25 желтоқсанда облыстық кітапханада «Рухани Жаңғыру» бағдарламасының шеңберінде «Туған жерім - алтын бесігім» көрмесі ашылды. Көрмеге мүмкіндігі шектеулі адамдардың жұмыстары қойылды.
Суреттер арқылы мүмкіндіктері шектеулі адамдардың жаны қаншалықты мейрім мен махаббатқа толы екенін, олардың шығармашылығы өзін жетілдіруіне әсер ететінін көруге болады.
Көрмені облыстық жұмыспен қамтуды үйлестіру және әлеуметтік бағдарламалар басқармасы мен Астана қаласының «Талдаушы мен стратегиялық жобаларының орталығы» ҚҚ, С.Торайғыров атындағы облыстық кітапхана ұйымдастырды. Көрме демеушісі - өрт қауіпсіздігі саласында қызметін жүзеге асыратын Астана қаласының «Зевс Энерго» ЖШС.
