26 қыркүйек күні облыстық кітапхананың балалар әдебиеті бөлімінде экологиялық мәселелер төңірегінде «Зерде» зияткерлік клубының отырысы болып өтті. Клуб қонақтары №22 жалпы орта білім беру мектебінің 3 «Д» сынып оқушылары. Іс-шара барысында балалар «Жер-Ана біздің ортақ үйіміз» атты экологиялық викторина-ойынына қатысты, «Экологиялық бағдаршамның» сұрақтарына жауап берді, ойжұмбақ, кроссворд шешті, мақал-мәтелдерді тауып, экологиялық мәселелер жөніндегі баяндамаларымен сөз сөйледі.

25 қыркүйек күні облыстық кітапханада ПМПУ колледжінің студенттеріне арналған «Айтолқын» дәрісханасының шеңберінде «Мен және салауатты өмір салты» атты логика-психологиялық нақыштағы ойынның негізінде оқу-тренинг болып өтті. Аталмыш іс-шара №2 емхананың медицина қызметкерлері: психолог Ф.Б. Айдарханова мен салауатты өмір салты бойынша дәрігер А.Ж. Абылкаеваның атсалысуымен өткізілді.

22 қыркүйек күні облыстық кітапхананың балалар әдебиеті бөлімінің балалар шығармашылығы секторында кезекті шеберлік класы болып өтті, балалар түрлі-түсті майлықтардан топиарий жасады. Сектор жетекшісі Д. Рахимжанова балаларға топиарийдің тарихы жөнінде, оның түрлері, қандай материалдардан жасалатыны туралы толығырақ айтып берді.